Vritet një person në Gllogoc, arrestohet i dyshuari

08:35 | 2 Nëntor 2025
E.H

Një person është vrarë me armë zjarri të shtunën në Fushticë e Poshtme të Gllogocit, raporton Policia e Kosovës.

Sipas policisë, i dyshuari është arrestuar dhe është sekuestruar një pistoletë, një gëzhojë dhe një fishekë, shkruan Arbresh.info.

I dyshuari është dërguar në mbajtje kurse viktima në IML për obduksion.

“Fushticë e Poshtme, Gllogoc / 01.11.2025 – 13:35. Është arrestuar i dyshuari mashkull kosovar, nën dyshimin se kishte qëlluar me armë zjarri për vdekje viktimën mashkull kosovar. Është sekuestruar pistoleta, një gëzhojë dhe një fishek. Me vendim të prokurorit i dyshuari është dërguar në mbajtje, ndërsa trupi i pa jetë i viktimës është dërguar në IML për obduksion”, thuhet në raportin 24 orësh të PK-së./Arbresh.info