Policia e Kosovës ka dhënë detaje lidhur me plagosjen e dy personave që ndodhi të premten në qytetin e Pejës.

Sipas raportit të policisë, i dyshuari kishte shtënë me armë automatike në drejtim të një veture me targa vendore, në të cilën ndodheshin katër persona.

Si pasojë e të shtënave, dy prej tyre janë plagosur.

Gjatë kontrollit, nga i dyshuari janë konfiskuar katër armë zjarri: dy pushkë automatike të tipit AK-47 me nga 18 dhe 15 fishekë, si dhe dy pistoleta – njëra me 5 fishekë – dhe 75 fishekë të tjerë të armës automatike.

“Rr. Miftar Zeqa, Pejë 17.10.2025 – 16:15. Është arrestuar i dyshuari mashkull kosovar, për shkak se me armë automatike kishte shtënë në drejtim të veturës me targa vendore në të cilën kanë qenë katër persona meshkuj kosovarë. Si pasojë e të shtënave janë plagosur dy persona në veturë. Në vendin e ngjarjes kanë dalë të gjitha njësitë relevante policore dhe janë duke e hetuar rastin. Nga i dyshuari janë konfiskuar katër armë zjarri si: dy pushkë automatike AK-47 me nga 18 dhe 15 copë fishekë, dy pistoleta njëra me 5 copë fishek dhe 75 copë fishekë tjerë të armës automatike. I dyshuari pas intervistimit me vendim të prokurorit është dërguar në mbajtje”, thuhet në raport./Arbresh.info

Të shtëna me armë në Pejë, dy të plagosur, një i arrestuar

Të plagosurit në Pejë në gjendje të rëndë, detaje nga spital ku po trajtohen

Plagosja e dyfishtë në Pejë – “hakmarrje” për vrasjen e para tre vjetësh