Ad Banner
Ad Banner
Ad Banner
Ad Banner

Hiqet tabela cirilike “E dua K.Mitrovica”, në vend të saj vendosen me alfabet latin

15:14 | 2 Tetor 2025
E.G

Tabela me shkronja cirike “E dua K.Mitrovica” e cila ishte e vendosur në qytetin e Mitrovicës së Veriut, u largua mëngjesin e sotëm.

Në vend të saj, u vendos tabela me alfabetin latin ku shkruhet vetëm “Mitrovica”, ku në paraprakën i referohej si “Kosovska Mitrovica”.

E pos emrit Mitrovica, u vendos edhe një stemë e re e Komunës së Mitrovicës së Veriut, e cila u miratua së fundmi nga Kuvendi Lokal.

Lidhur me këtë u deklarua edhe zëvendëskomandant i Policisë për Veriun, Veton Elshani.

“E ka bërë komuna. Ne jemi informuar për heqjen e tabelës së vjetër dhe vendosjen e tabelës së re, por nuk kishte nevojë për ndërhyrje”, tha ai.

Tabela cirilike, e cila u hoq këtë mëngjes u instalua në gusht 2020 si pjesë e fazës së dytë të ndërtimit të rrethrrotullimit në kryqëzimin e rrugëve “Kralja Petra Prvog” dhe “Knjaz Millosha”.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm