Kampioni në fuqi i Ligës së Kampionëve, Paris Saint-Germain ka shënuar fitore të madhe në udhëtim tek Barcelona me rezultat 2-1, në kuadër të xhiros së dytë të fazës së ligës në kompeticionin më prestigjioz në nivel klubesh.

Barcelona e nisi takimin më mirë duke shënuar me Ferran Torresin në minutën e 19-të, pas një asistimi të Rashfordit.

Mirëpo shtatë minuta para fundit të pjesës së parë, Mayulu barazoi rezultatin.

Parisi në pjesën e dytë e dominoi Barcelonën përkundër katër mungesave të mëdha si Dembele, Marquinhos, Khvicha e Doue.

Ky dominim i Parisit u shpërblye në minutat e fundit, ku Goncalo Romas ‘nokautoi’ katalanasit në minutën e 90-të me një gol, pas një aksioni fenomenal.

Kjo është fitorja e dytë e Parisit në po aq ndeshje, kurse Barcelona pëson disfatën e parë këtë edicion në Ligë të Kampionëve.

Ndeshjen e radhës Parisi e luan ndaj Leverkusenit, kurse Barcelona takohet me Olympiacosin./Arbresh.info