Një 22-vjeçar është arrestuar në flagrancë në autostradën “Tiranë-Durrës”, pasi u kap duke transportuar pako me 564 gramë kokainë, të cilat kishte planifikuar t’i shiste në doza në zonat Yzberisht, Kashar dhe “Ali Demi”.

Si rezultat i këtij këtij operacioni policor “Trekëndëshi”, është bërë e mundur dhe sekuestrimi i drogës dhe automjetit tip “Benz” që po drejtohej nga i dyshuari.

Sipas burimeve të policisë, ata kanë lokalizuar dhe ndaluar automjetin në afërsi të Vorës, duke e kontrolluar dhe konstatuar lëndën narkotike kokainë.

22-vjeçari, me iniciale B. S., banues në Tiranë, është vënë në pranga nën akuzën e veprës penale “Prodhimi dhe shitja e narkotikëve”.

Vijojnë hetime për të identifikuar dhe për të nxjerrë përpara përgjegjësisë penale, shtetas të tjerë që mund të jenë implikuar në këtë veprimtari kriminale.

Materialet procedurale iu Prokurorisë së Tiranës, për veprime të mëtejshme.