Tirana ishte nikoqire për herë të dytë e Konferencës së 28-të të Shefave të Shtabit të Përgjithshëm të Kartës së Adriatikut (SH.B.A.-A5).

Ministri i Mbrojtjes së Shqipërisë, Pirro Vengu, bëri të ditur se temë kryesore e konferencës ishte mbrojtja dhe sinergjia civilo-ushtarake, ndërsa Shqipëria u rikonfirmua si partner i besueshëm dhe ndërtues konsensusi në rajon.

“Konferenca e 28-të të Shefave të Shtabit të Përgjithshëm të Kartës së Adriatikut (SH.B.A.-A5) ku siguria, mbrojtja dhe sinergjia civilo-ushtarake ishin kryefjalë dhe Shqipëria u rikonfirmua partner i besueshëm dhe ndërtues konsensusi në rajon.

Një ditë e frytshme ku me partnerët tanë nënshkruam Deklaratën e Përbashkët që kërkon angazhime konkrete për investime në mbrojtje, modernizim të forcave, siguri kibernetike, stërvitje të përbashkëta, si dhe thekson përfshirjen e vendeve aspirante, siç është Kosova, në këtë nismë rajonale”, shkruan Vengu në një postim në Facebook.

Ai theksoi se Shqipëria mbetet e përkushtuar për stabilitet dhe bashkëpunim, duke folur edhe për rajonin dhe Kosovën.

“Kosova duhet të përfshihet plotësisht dhe formalisht si anëtare e këtij komuniteti”, është shprehur ai.