Bayern Munich ka arritur të shënoj fitore në kryendeshjen e javës së parë në Ligën e Kampionëve ndaj Chelseas. Bavarezët fituan me rezultat 3-1 në “Allianz Arena”.

Epërsinë fillestare skuadra e Kompanys e mori nga një autogol i Chalobas në minutën e 20-të, shkruan Arbresh.info.

Shtatë minuta më vonë, Bayerni fitoi penallti të cilën në gol e konkretizoi, Harry Kane për ta dyfishuar epërsinë.

Nuk vonoi shumë dhe me një kundërzbritje të shpejtë londinezët rihapën sfidën me golin e Cole Palmer pas një asistimi të Gustos.

Në pjesën e dytë, iniciativën më të madhe e pati Bayerni, i cili edhe gjeti golin e tretë dhe e vulosi fitoren.

Harry Kane në minutën e 63-të e shënoi golin e dytë personal dhe të tretin për klubin.

Chelsea shënoi në minutën e 89-të përmes Cole Palmer, por goli i tij u anulua për pozicion jashtë lojë. Deri në fund nuk u shënuan gola më dhe Bayern arkëtoi tre pikët e para këtë edicion.

Sfida e dytë për Bayernin është në Qipro ndaj Pafosit, teksa Chelsea takohet me Benfican./Arbresh.info