Kandidati për kryetar të Prishtinës nga LVV, Hajrulla Çeku ka vizituar të dielën Hajvalinë, ku është takuar me banorët e kësaj lagje.

Me anë të një postimi në Facebook, Çeku u shpreh se ka dëgjuar nga afër problemet e përditshme me të cilat përballen banorët e Hajvalisë, transmeton Arbresh.info.

Tutje ai shtoi se periferia e Prishtinës është lënë pas dorës me mbeturina e infrastrukturë rrugore të dobët.

“Bashkë diskutuam dhe dëgjuam për problemet e përditshme me të cilat përballen. Periferia e Prishtinës është tmerrësisht e lënë pas dore: mbeturina, kolektor i premtuar ende i parealizuar, infrastrukturë rrugore e dobët dhe mungesë e zhvillimit të mirëfilltë. Dua t’i falënderoj për mikpritjen të gjitha bizneset dhe banorët që na takuan dje, përfshirë familjet e Kushtrim Gashit, si dhe Akil Gajtanit, me të cilët e përfunduam mbrëmjen këndshëm”, ka shkruar Çeku./Arbresh.info