Albulena Haxhiu, nënkryetare e Kuvendit të Kosovës ka komentuar refuzimin e opozitës për të dërguar komentet në Gjykatën Kushtetuese lidhur me kërkesën e Listës Serbe.

Sipas saj, është e paarsyeshme që për interes te vendit dhe të funksionimit të institucioneve të Kosovës, opozita te mos e sheh te arsyeshme një veprim të tillë, shkruan Arbresh.info

Ndër të tjera, Haxhiu përmendi edhe lëndët që opozita i dërgoi në Kushtetuese e që kanë të bëjnë sipas saj, me reformat kryesisht në Ministrinë e Drejtësisë.

“Më vjen shumë keq për faktin se më zell dërgonin komente kundrejt reformave që ne i adresonim, e këtë rast nuk e paskan parë të arsyeshme. Në këtë rast kur ka qenë tepër e rëndësishme që të jemi bashkë që të bllokojmë Listën Serbe, që të mos i lejojmë të drejtë të vetos, që të mos e bllokoj Lista Serbe shtetin e Kosovës, këtë nuk e paskan pasur të rëndësishme.

Sipas ish-ministres së Drejtësisë, veprimet e opozitës tregojnë hapur që janë në linjë me Listën Serbe./Arbresh.info