Edon Zhegrova dje bëri një hap të madh në karrierën e tij si futbollist profesionist, duke u transferuar tek gjiganti italian Juventus.

Ai nënshkroi një kontratë pesë vjeçare me klubin gjersa do ta mbaj numrin 11, shkruan Arbresh.info.

Transferimi i tij bëri bujë të madhe në mediat botërore si dhe ato vendore. E kjo lëvizje i ra në sy edhe kryeministrit të Kosovës në detyrë, Albin Kurtit.

Kurti përmes një postimi në Instagram tha se lajmi i transferimit të Zhegrovës tek Juventusi ka qenë më i rëndësishmi i kësaj jave.

Ai në fotografit që i postoi në Instagram u pa se ishte duke folur me yllin dardan, teksa e kishte përkrah edhe ministrin e Sportit, Hajrulla Çeku.

POSTIMI I PLOTË I KURTIT:

Nuk ka lajm më të rëndësishëm këtë javë sesa lajmi për transferimin e Edon Zhegrovës në Juventus.

Lojtari më i ri i “Zonjës së Vjetër”, që ëndrrën e tij e bëri realitet, tash është ëndrra e shumë të rinjve që e duan futbollin siç e do Edoni.

Ai është shumë krenar që po e përfaqëson vendin e popullin tonë në futbollin ndërkombëtar, e ne të gjithë jemi krenarë me të.

Me Hajrën sot e uruam dhe përgëzuam për këtë arritje të tij të jashtëzakonshme dhe i uruam gjithë shëndet, fat e shumë suksese!

 

View this post on Instagram

 

A post shared by Albin Kurti (@albinkurti_)