Llapi dhe Drita ndajnë pikët në derbin e xhiros së tretë

18:32 | 1 Shtator 2025
D.H

Llapi dhe Drita kanë luajtur baras me rezultat 1-1 në ndeshjen derbi të javës së tretë në elitën e futbollit kosovar.

Pjesa e parë nuk prodhoi asnjë gol, shkruan Arbresh.info.

Vendasit arritën të krijojnë epërsi pas një ore lojë në stadiumin “Zahir Pajaziti”, ku realizator ishte Kushtrim Shabani.

Ndërsa nuk vonoi shumë dhe Drita barazoi rezultatin me anë të Kristal Abazajt pas një asistimi nga Besnik Krasniqi.

Deri në fund gola të tjerë nuk pati dhe skuadrat ndanë pikët.

Llapi pas tri ndeshjeve ka dy pikë, teksa për Dritën kjo është pika e parë në dy ndeshje të luajtura, pasi sfida me Drenicën e programuar për javën e dytë ishte shtyrë për një datë tjetër, shkak i angazhimeve të gjilanasve në Evropë./Arbresh.info