Analisti Albert Krasniqi  thotë se procedura për zgjedhjen e dy nënkryetarëve të Kuvendit që përfaqësojnë komunitetet jo-shumicë duhet të përsëritet, pasi sipas tij, mënyra e ndjekur nuk është në përputhje me Kushtetutën.

Krasniqi shkruan në Facebook, se zgjedhja e tyre duhet të bëhet me një votim të vetëm, në bllok, për të dy kandidatë, raporton Arbresh.info.

“Kandidati për nënkryetar nga komuniteti serb mund të propozohet vetëm nga Lista Serbe, e cila përfaqëson shumicën e deputetëve të këtij komuniteti, dhe jo nga subjekte të tjera politike. Aktivizimi i procedurës me short për përzgjedhjen e kandidatit mund të bëhet vetëm në rastet kur nuk ka propozime dhe gjithmonë në prani të deputetëve të komunitetit përkatës. Pa pjesëmarrjen e tyre, shorti nuk mund të zhvillohet”, shkruan Krasniqi.

Ai po ashtu shkruan se skenari për të shteruar kandidaturat e Listës Serbe me qëllim që pozita t’i kalojë ZSPO-së së Nenad Rashiqit, nuk mund të realizohet pa miratimin e shumicës së deputetëve të këtij komuniteti./Arbresh.info/

LEXO EDHE

Deputeti i Listës Serbe Slavko Simiqi dështon tre herë radhazi të merr votat për nënkryetar