Haradinaj: Me Ukë Blakaj, Istogu do të ketë një model të ri qeverisjeje që sjell zhvillim

23:11 | 18 Gusht 2025
E.G

Kryetari i Aleancës për Ardhmërinë e Kosovës, Ramush Haradinaj, vizitoi sot Istogun në takim me Ukë Blakajn, kandidatin e partisë për kryetar të komunës, dhe kandidatët për Asamble Komunale.

“Istogu meriton më shumë! Potenciali i tij i madh, veçanërisht në turizëm, ka mbetur i pashfrytëzuar për shkak të qeverisjes së deritashme. Aleanca hyn në garë për ta kthyer këtë komunë në shembull të zhvillimit,” tha Haradinaj.

Ai shtoi: “Sot, në takim me Ukë Blakajn dhe me kandidatët për Asamble, u ndjeva i bindur se Istogu është gati për ndryshim.”

Haradinaj theksoi se me vizionin e qartë të Ukës, Istogu do të ketë një model të ri qeverisjeje që sjell zhvillim, përgjegjësi dhe mundësi për të gjithë qytetarët.