Policia e Kosovës ka kërkuar bashkëpunim me qytetarët për gjetjen dhe arrestimin e Mefail Shkodra, i dyshuar për vrasjen e dyfishtë në Gjilan, dhe plagosjen e dy të tjerëve.

“Policia e Kosovës, Drejtoria Rajonale e Policisë në Gjilan, bazuar në autorizimin e Prokurorisë Themelore në Gjilan, me qëllim të lokalizimin dhe arrestimin e të dyshuarit, lëshon këtë kërkesë për bashkëpunim me qytetarë dhe mediat”, thuhet në njoftim.

“Policia e Kosovës, Drejtoria Rajonale Gjilan kërkon nga qytetarët dhe mediat që kushdo që ka informacion për vendndodhjen e personit në foton e bashkangjitura, të lajmërojë Policinë e Kosovës në stacionin më të afërt policor apo përmes aplikacionit digjital “Lajmëro Policinë’’, E-mail: [email protected] dhe numrat kujdestarë:192; 03850807001. Të dhënat e juaja do të ruhen në konfidencialitet të plotë”, thuhet më tej në njoftim.

Kujtojmë se sot rreth orës 12:35 dy persona janë vrarë në qendër të Gjilanit dhe dy të tjerë janë plagosur.

Detaje rreth motivit të vrasjes ende nuk janë bërë të ditur nga policia./Arbresh.info

LEXO EDHE:

Dy të vrarë e dy të plagosur nga të shtënat me armë zjarri në Gjilan

Vrasje e dyfishtë në Gjilan, i dyshuari në arrati – emër i njohur për policinë