Ad Banner
Ad Banner
Ad Banner
Ad Banner

86-vjeçari gjendet i vdekur në Gjakovë, Policia nis hetimet

19:00 | 9 Qershor 2026
H.E

Një person i moshuar është gjetur pa shenja jete të martën në mëngjes në shtëpinë e tij në Gjakovë, ndërsa Policia ka nisur hetimet për zbardhjen e rrethanave të vdekjes.

Zëdhënësi i Policisë për rajonin e Gjakovës, Sheremet Elezaj tha se rreth orës 07:20, Policia është njoftuar se një person i gjinisë mashkullore, i lindur në vitin 1940, ishte gjetur nga familjarët pa shenja jete në shtëpinë e tij në Gjakovë.

“Menjëherë në vendin e ngjarjes kanë dalë njësitë përkatëse policore dhe ekipi i emergjencës mjekësore, të cilët kanë konstatuar vdekjen e tij. Lidhur me rastin është njoftuar prokurori i shtetit, në konsultim me të cilin është iniciuar rasti ‘hetim i vdekjes’, përderisa trupi i pajetë i viktimës është dërguar për ekzaminim mjekoligjor”, ka deklaruar Elezaj.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm