Vancouver Whitecaps ka njoftuar zyrtarisht nënshkrimin e Thomas Muller, duke shënuar fundin e një epoke legjendare te Bayern Munich.

Muller e konfirmoi gjithashtu transferimin përmes rrjeteve sociale, duke ndarë emocionet e tij për këtë kapitull të ri në karrierë.

Sulmuesi 35-vjeçar, i cili e kaloi të gjithë karrierën e tij si profesionist te Bayern, kalon në Major League Soccer duke iu bashkuar klubit kanadez me një marrëveshje që pritet ta sjellë përvojën e tij të jashtëzakonshme dhe lidershipin në fushë përtej Atlantikut.

Müller u largua nga Bayern si një ikonë e vërtetë e klubit, me 33 trofe të fituar, përfshirë 12 tituj të Bundesligës dhe dy Liga të Kampionëve.

Ai ka zhvilluar mbi 660 paraqitje dhe ka shënuar mbi 230 gola për bavarezët.

It‘s done. ✍️
Let‘s go, @WhitecapsFC 🇨🇦#Vancouver #esmuellert #VWFC #TM13 pic.twitter.com/jy9DfwbKmo

— Thomas Müller (@esmuellert_) August 6, 2025