Ambasadori i Bashkimit Evropian në Kosovë, Jonathan Hargreaves, ka zhvilluar një takim me Presidenten e Republikës, Vjosa Osmani, ku është diskutuar situata aktuale politike dhe pasojat e bllokimit institucional.

Hargreaves u shpreh mirënjohës për mundësinë e diskutimit me Presidenten dhe theksoi se një ngërç i vazhdueshëm politik do të kishte pasoja serioze për vendin.

Ai gjithashtu përgëzoi Presidenten për përpjekjet që, sipas tij, po bën në përputhje me Kushtetutën për të zgjidhur situatën aktuale.

‘Isha mirënjohës për takimin tim me Shkëlqesinë e saj Presidentin dje. U pajtuam se pasojat e një bllokimi të vazhdueshëm politik do të jenë të rënda për Kosovën dhe popullin e saj. E përgëzova Presidenten Osmani për përpjekjet e saj për zgjidhjen e bllokimit në përputhje me Kushtetutën e Kosovës dhe theksova përgjegjësinë e të gjitha partive politike për ta vënë vendin mbi interesat partiake për të gjetur një zgjidhje”, tha ai./Arbresh.info