A do t’ia japë Limajt postin e kryeparlamentarit, Kurti përmend fundjavën

16:46 | 21 Korrik 2025
E.H

Kryeministri në detyrë Albin Kurti ka refuzuar të përgjigjet nëse do t’ia japë postin e kryeparlamentarit Fatmir Limajt.

Në një konferencë për media, ai e përsëriti që ia ka bërë një ofertë Nismës, por nuk dha detaje.

Kurti shtoi se në këtë fundjavë ose do të jetë lajmi për marrëveshjen e arritur ose jo.

“Po i japim shansën bisedimeve me Nismën që ta mbrrijmë numrin 61, besoj që kjo është e mundshme. Nevojitet që t’i vazhdojmë bisedimet dhe vullnetin politik”, tha Kurti para gazetarëve.

“Unë kam bërë një ofertë për Nismës Socialdemokrate dhe nuk do të mund të diskutojë elementet përbërëse para se të finalizohen ato biseda. Unë uroj e shpresoj sepse punoj që kjo të bëhet në këtë javë, të përmbyllet, e kësisoj ju kërkoj edhe pak durim sepse në këtë fundjavë ose do ta kemi lajmi për marrëveshjen e arritur ose mungesën e tij”, tha ai.