E rëndë/ Dy punëtorë ndërtimtarie humbën jetën sot në Gjakovë

09:35 | 21 Korrik 2025
Gita

Dy persona, punëtorë të ndërtimtarisë, dyshohet se kanë humbur jetën mëngjesin e sotëm në Gjakovë, derisa ishin në vendin e tyre të punës.

Lajmin për Arbresh.info e ka konfirmuar zëdhënësja e Policisë së Kosovës për Rajonin e Gjakovës, Vlera Krasniqi.

“Sot rreth orës 08:15, jemi njoftuar se dy persona (meshkuj të moshës madhore) janë dërguar për trajtim mjekësor në Spitalin Rajonal në Gjakovë, dyshohet si pasojë e lëndimeve të pësuar në vendin e punës, në rrugën “Bardhyl Qaushi ” në Gjakovë. Më pas është konfirmuar edhe vdekja e tyre”, tha Krasniqi.

Sipas saj, njësitë relevante të Policisë kanë dalë menjëherë në vendin e ngjarjes dhe janë duke ndërmarr veprime hetimore me qëllim të sqarimit të plotë të rrethanave të rastit./Arbresh.info/