Lista Serbe ka reaguar pasi Gjykata Themelore në Prishtinë i ka caktuar 30 ditë paraburgim ndihmësdrejtorit për Kosovën në Qeverinë e Serbisë, Igor Popoviq.

LS pretenton se vendimi i gjykatës erdhi me urdhër të kryeministrit në detyrë Albin Kurtit, shkruan Arbresh.info.

Ndër të tjera, në reagimin e LS kritikohet edhe bashkësia ndërkombëtare për siç thonë ata “tolerimin e Kurtit”.

“Heqja e të drejtave, arrestimet pa arsye, shantazhi, kërcënimet, pushtimi i institucioneve dhe pronës private janë të gjitha pjesë e fushatës sistematike që Kurti po zhvillon nën maskën e përfaqësimit të rremë të qeverisë së tij si “demokratike””, thuhet në reagim.

“Arrestimi i Igor Popoviçit është një sulm ndaj dialogut, një sulm ndaj vendosmërisë së shtetit serb për të zgjidhur të gjitha çështjet e hapura me dialog. Në të njëjtën kohë, është një provë e qasjes së pavlerë dhe të papërgjegjshme të përfaqësuesve ndërkombëtarë që tolerojnë arbitraritetin, autokracinë dhe persekutimin e Kurtit ndaj çdo gjëje serbe”, thuhet në reagim.

Kujtojmë se zyrtari serb, Igor Popiq u arrestua me 18 korrik, në pikëkalimin kufitar në Bërnjak nën dyshimin se ka kryer veprën penale “Nxitje e përçarjes dhe mosdurimit”.

Popoviqi gjatë një fjalimi në Hoçë të Madhe të Rahovecit, e ka cilësuar Ushtrinë Çlirimtare të Kosovës si “organizatë terroriste” dhe i ka krahasuar veprimet e saj me ngjarje të rënda ndërkombëtare./Arbresh.info

LEXO EDHE:

Sveçla konfirmon arrestimin e Igor Popoviqit