Ad Banner
Ad Banner
Ad Banner
Ad Banner

Zjarri i madh në Dukat, vështirësohet ndërhyrja e zjarrfikësve

21:25 | 19 Korrik 2025
R J

Zjarri i përmasave të mëdha që ka përfshirë zonën e Dukatit vijon të përhapet me shpejtësi, duke djegur sipërfaqe të konsiderueshme me bimësi dhe pyje. Forcat zjarrfikëse, së bashku me punonjës të zonave të mbrojtura, ndodhen në terren dhe po përpiqen të frenojnë përhapjen e flakëve.

Ndërhyrja po bëhet gjithnjë e më e vështirë për shkak të terrenit të thyer dhe të papërshtatshëm për mjetet zjarrfikëse. Autoritetet lokale po ndjekin nga afër situatën dhe kanë kërkuar mbështetje shtesë për të përballuar flakët që kanë dalë jashtë kontrollit.

Sipas informacioneve paraprake, ende nuk ka të dhëna për rrezik për banesat, por rreziku për përhapje të mëtejshme mbetet i lartë për shkak të kushteve klimatike dhe erës. Autoritetet u bëjnë thirrje banorëve të qëndrojnë vigjilentë dhe të bashkëpunojnë me strukturat përkatëse./euronews.al/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm