Sigurimi fizik i QKUK-së në grevë, menaxhmenti thotë se zgjidhja është afër

16:37 | 15 Korrik 2025
E.G

Sigurimi fizik i QKUK-së po vazhdon grevën, teksa nga menaxhmenti i këtij institucioni kanë thënë se deri në fund të javës do të gjindet zgjidhje.

“Kryetari i Shoqatës mbajti një takim me Drejtorin e QKUK-së, z. Osman Hajdari, si dhe me Zëvendësdrejtorin e SHSKUK-së. Drejtori Hajdari theksoi se procedurat e tenderimit do te nisin nga neser, duke na dhene afat se deri në fund të kësaj jave mund të gjendet një zgjidhje”, ka njoftuar nëpërmjet një komunikate Federata Sindikale e Punëtorëve Teknikë të Sektorit Privat të Kosovës.

Sindikalistët kanë vizituar sot grevistët, të cilët kanë ndërmarrë këtë aksion si pasojë e ndërprerjes së kontratës së punës.

Gjatë ditës, grevistët u vizituan gjithashtu edhe nga përfaqësues të Zyrës së Avokatit të Popullit.