Në Gjykatën Themelore në Prishtinë nesër në orën 10:30 do të mbahet seanca dëgjimore me kërkesën e Prokurorisë Themelore në Prishtinë për caktimin e një muaji paraburgim ndaj pesë zyrtarëve policorë që dyshohen të përfshirë në vdekjen e 27-vjeçarit Agon Zejnullahu.

Lajmin për Arbresh.info e ka konfirmuar përfaqësuesja e gjykatës, zëdhënësja Mirlinda Gashi, e cila shtoi:

“Gjykata ka pranuar kërkesën për caktimin e masës së paraburgimit në çështjen penale ndaj pesë të pandehurve. Seanca dëgjimore është caktuar për nesër, më 09.07.2025, ora 10:30.”

Ndryshe, incidenti ndodhi më 7 korrik, në orët e para të mëngjesit, në rrugën “Haradin Bajrami” në Lipjan. Policia kishte pranuar sinjalizime se Agon Zejnullahu, i dyshuar për sulm ndaj automjeteve dhe kalimtarëve në gjendje të dehur, ishte arrestuar nga një ekip policor. Pavarësisht ndërhyrjes së ekipit të emergjencës, ai u gjet më pas i vdekur në vendngjarje./Arbresh.info

LEXO EDHE:

Instituti i Mjekësisë Ligjore thotë se ende nuk e kanë hartuar raportin e autopsisë së 27 vjeçarit: Po bëjmë përpjekje maksimale

Kërkohet një muaj paraburgim për policët që dyshohen të përfshirë në vdekjen e të riut në Lipjan