Ardian Ismajli do të largohet nga Empoli pas katër vitesh qëndrimi.

Lajmin e ka bërë të ditur vetë futbollisti i Kombëtares shqiptare përmes një reagimi në rrjetin social Instagram, shkruan Arbresh.info.

Mbrojtësi nga Kosova, ka falënderuar të gjithë për mbështetjen duke iu thënë që kjo nuk është një lamtumirë por vetëm një përshëndetje.

“Të dashur njerëz të Empolit, pas 4 vitesh udhëtimi im mbaron këtu, në këto 4 vite që nga dita e parë u ndjeva si në shtëpi ku u rrita si lojtar dhe akoma më shumë si person. Falënderoj presidentin Fabrizio Corsi, zëvendëspresidenten Rebecca Corsi, të gjithë punonjësit, tifozët, qytetin dhe të gjithë shokët e ekipit. Kjo nuk është një lamtumirë, por vetëm një përshëndetje”, ka shkruar ai.

 

View this post on Instagram

 

A post shared by Ardian Ismajli (@aismajli34)

Ismajli iu bashkua Empolit nga Spezia në vitin 2021. Teksa karrierë ka bërë edhe tek Hajduku i Splitit në Kroaci.

28-vjeçari largohet nga ky klub pasi kontrata e tij skadon sot dhe nuk e ka vazhduar për më tej. Kujtojmë se Ismajli pati paraqitje të shkëlqyera individuale këtë sezon me Empolin, mirëpo nuk mjaftuan për ta shpëtuar rënien nga Serie A./Arbresh.info