Tetë institucione shëndetësore private që operonin pa licencë janë mbyllur këtë javë, njofton ministri në detyrë i Shëndetësisë, Arben Vitia.

Sipas tij, këto mbyllje janë bërë në kuadër të inspektimeve të rregullta që synojnë garantimin e respektimit të ligjit dhe standardeve në ofrimin e shërbimeve shëndetësore.

“Inspektorati Shëndetësor vazhdon punën profesionale duke garantuar respektimin e ligjit dhe standardeve të shërbimeve shëndetësore. Si pjesë e inspektimeve të rregullta, këtë javë që po e lëmë pas janë mbyllur 8 institucione shëndetësore private që operonin pa licencë. U bëjmë thirrje të gjitha institucioneve që ofrojnë shërbime shëndetësore të respektojnë ligjin dhe të veprojnë sipas rregullave. Shëndeti i qytetarëve nuk mund dhe nuk do të lejohet që të rrezikohet nga veprimtari të paligjshme”, ka shkruar Vitia në Facebook./Arbresh.info