Kina dërgoi 74 avionë luftarakë drejt Tajvanit midis orëve të vona të së enjtes dhe mëngjesit të së premtes, prej të cilëve 61 kaluan vijën qendrore në Ngushticën e Tajvanit, që në mënyrë jozyrtare ndan palët. Ky është një numër jashtëzakonisht i madh, ndërsa tensionet në rajon mbeten të larta.

Nuk është e qartë përse u ngritën kaq shumë avionë gjatë këtij periudhe, sipas të dhënave të Ministrisë së Mbrojtjes së Tajvanit. Aeroplanët u dërguan në dy grupe të ndara, shtoi Ministria.

Kina e konsideron Tajvanin si territor të vetin dhe përdor veprime të tilla ushtarake për të demonstruar kërcënimin e saj, duke synuar rrethimin dhe ndoshta pushtimin e ishullit vetëqeverisës.

Përveç kësaj, Kina shpreson të frikësojë popullsinë prej 23 milionë banorësh dhe të dobësojë pajisjet dhe moralin e forcave të armatosura të Tajvanit./AP