Ministri i Mbrojtjes i Izraelit, Israel Katz, njoftoi se ai dhe kryeministri Benjamin Netanyahu i kanë dhënë urdhër ushtrisë izraelite për të “intensifikuar sulmet kundër objektivave strategjike” në Iran, pas valës së fundit të raketave balistike që Irani lëshoi ndaj qyteteve izraelite të enjten.

Katz e përshkroi udhëheqësin suprem iranian, Ajatollah Ali Khamenei, si një “diktator frikacak” që qëndron i sigurt brenda bunkerit të tij të fortifikuar, ndërsa urdhëron sulme të qëllimshme ndaj spitaleve dhe ndërtesave banimi në Izrael.

Ai shtoi se:

“Këto janë format më të rënda të krimeve të luftës – dhe Khamenei do të mbahet përgjegjës për krimet e tij.”

Në deklaratën e ministrisë së Mbrojtjes, Katz theksoi gjithashtu:

“Kryeministri dhe unë i kemi udhëzuar IDF-të që të intensifikojnë sulmet kundër objektivave strategjike në Iran dhe kundër objekteve qeveritare në Teheran, me qëllim që të eliminohen kërcënimet me të cilat përballet Shteti i Izraelit dhe të destabilizohet regjimi i Ajatollahëve.”/cnn