Ministri i Jashtëm i Shqipërisë, Igli Hasani ka mbajtur fjalën e hapjes në Ministerialin e Procesit të Bashkëpunimit në Europën Juglindore, nga ku rikonfirmoi angazhimin e Shqipërisë për integrimin evropian.

Para 13 kryetarëve të shteteve anëtare të SEECP, ministri vuri theksin te bashkëpunimi mes vendeve duke e cilësuar si themelor për integrimin e rajonit në Bashkimin Evropian.

Ai shtoi se, me çeljen e 4 grupkapitujve negociues, Shqipëria është në rrugën e duhur për çeljen e negociatave brenda 2027-ës dhe integrimin e plotë brenda kësaj dekade.

“Mblidhemi bashkë në kohëra të thella për rajonin tonë, shënjuar nga sfida konstante dhe mundësi të mirëfillta, përshpejtimi i integrimit ekonomik dhe hapat drejt rrugëtimit drejt BE.

Ky mbetet një hapësirë politike ku vizioni ynë politik për rajonin merr formë. Bashkëpunimi ynë është bërë më i harmonizuar me politikat e BE, planin ekonomik dhe i investimeve, planin e rritjes së BE dhe agjenda e gjelbër për BP.

Është e qartë se bashkëpunimi rajonal nuk është zëvendësues për anëtarësimin në BE por hap i nevojshëm në drejtim të tij, ku thjeshtojmë lëvizshmërinë për qytetarët tanë, ku investojmë në energji, ndërlidhje dhe komunikim, përgatitemi për BE.

Shqipëria ka qenë anëtare e përkushtuar e këtij procesi, kemi mbështetur zhvillimin e tregut të përbashkët rajonal. Për të tërhequr investimet e për ti sjellë ekonomitë tona sa më afër tregut të përbashkët evropian. Jemi krenar për marrëveshjen për Roaming, koristë e gjelbra dhe blu dhe 5 marrëveshjet e lëvizshmërisë që nënshkruar në kuadër të procesit të Berlinit. Këto hapa e sjellin BE me afër qytetarëve tanë dhe e bëjnë rajonin më stabël e më tërheqës.

Shqipëria mbetet e angazhuar në rrugëtimin e vetë transformues, agjenda jonë e reformave nxitet nga angazhimi i thellë ndaj demokracisë, shtetit të së drejtës, etj,”, deklaroi Hasani.

Ministri u ndal dhe te përshkallëzimi i tensioneve në Lindjen e Mesme, ku prej katër ditësh Izraeli dhe Irani kanë zgjeruar sulmet raketore.

Hasani ka deklaruar se Shqipëria rikonfirmon të drejtën e Izraelit për të mbrojtur sigurinë e vetë dhe për t’u mbrojtur nga kërcënimet e mirëfillta, ndërsa i ka bërë thirrje Iranit që të ndalojë aktivitetet bërthamore dhe përdorimin e raketave balistike kundër Izraelit.

Ministri theksoi se, përdorimi i armëve bërthamore od të kishte pasoja katastrofike jo vetëm për rajonin, por edhe më gjerë.

“Jemi të shqetësuar nga tensionet në Lindjen e Mesme dhe përballjet Izrel-Iran, që paraqesin një rrezik serioz për stabilitetin më të gjerë rajonal me pasoja globale.

Shqipëria rikonfirmon të drejtën e Izraelit për të ruajtur sigurinë e vetë dhe për të mbrojtur qytetarët nga kërcënimet e mirfillta. I bëjmë thirrje Iranit: ndal aktivitetet e veta bërthamore dhe raketave balistike dhe të veprojnë në përputhje me detyrimet e veta në kuadër të së drejtës ndërkombëtare përfshi dhe traktatin për mospërhapjen e armëve bërthamor.

Përdorimi i armëve bërthamore do kishte pasoja katastrofike në rajon e më tej. Shqipëria u bën thirrje palëve të angazhohen në përpjekje diplomatike të synuara për uljen e tensioneve dhe një zgjidhje të qëndrueshme politike”, përfundoi ai.

Sot, Tirana u bë sërish qendër e diplomacisë rajonale, duke mirëpritur krerë shtetesh dhe përfaqësues të lartë nga 13 vende pjesëmarrëse në Ministerialin përmbyllës.

Gjatë kësaj periudhe, Shqipëria është fokusuar në tre prioritete: forcimin e bashkëpunimit politik, përshpejtimin e integrimit ekonomik dhe rezultate konkrete në rrugën drejt Bashkimit Evropian.

SEECP përfshin 13 vende pjesëmarrëse: Shqipërinë, Bosnjë-Hercegovinën, Bullgarinë, Kroacinë, Greqinë, Maqedoninë e Veriut, Moldavinë, Malin e Zi, Rumaninë, Serbinë, Slloveninë, Kosovën dhe Turqinë.

Si platformë e iniciuar nga vetë vendet e rajonit, SEECP mbetet një mekanizëm i rëndësishëm për forcimin e bashkëpunimit, zgjidhjen e sfidave të përbashkëta dhe përgatitjen për integrim të plotë në strukturat evropiane dhe euroatlantike./rtsh.al/