Të paktën 78 persona janë vrarë dhe 329 të tjerë janë plagosur si pasojë e një sërë sulmesh ajrore të kryera nga Izraeli në Iran.

Këto të dhëna u publikuan nga agjencia iraniane e lajmeve Nournews, e cila citon burime të brendshme, duke e cilësuar këtë si një bilanc të parë jozyrtar, transmeton Zeri.info.

Tashmë është raportuar se nga sulmet janë vrarë edhe një numër të udhëheqësve ushtarakë, duke përfshirë edhe Hossein Salamin, komandanti i Gardës Revolucionare Islamike të Iranit.

Autoritetet iraniane ende nuk kanë dalë me një deklaratë zyrtare mbi numrin e viktimave apo qëllimin e sulmeve, ndërsa spitalet në Teheran janë mbushur me të plagosur.

Kjo ngjarje shënon një përshkallëzim të rrezikshëm të tensioneve mes Iranit dhe Izraelit, në një kohë kur rajoni ndodhet në një situatë tejet të brishtë sigurie.

LEXO EDHE

Izraeli apo Irani? Kush ka ushtrinë më të fortë në rast të një lufte “kokë më kokë”

Izraeli angazhoi 200 aeroplanë luftarakë për ta sulmuar Iranin, operacioni më i madh ajror në dekada