Shpërthim në një fabrikë ushtarake në Serbi, raportohet për të plagosur

12:00 | 30 Maj 2025
E.K

Një shpërthim ka ndodhur në orët e hershme të mëngjesit të së premtes në repartin e kapsollave të fabrikës ushtarake “Krushik” në Valevë të Serbisë, duke lënë të lënduar disa persona.

Sipas informacioneve jozyrtare nga Spitali i Valevës, shtatë persona kanë pësuar lëndime të lehta si pasojë e shpërthimit që ndodhi rreth orës 07:30.

Ende nuk ka detaje zyrtare mbi shkaqet e ngjarjes, raportojnë mediat lokale, përfshirë danas.rs.

Ky incident është pjesë e një serie aksidentesh të përsëritura në këtë fabrikë gjatë viteve të fundit.

Rasti i fundit i ngjashëm u regjistrua më 3 gusht 2024, kur tre punëtorë u lënduan gjatë punës me kapsolla në të njëjtin repart.

Edhe pse mediat raportuan për shtatë të lënduar, drejtuesit e fabrikës atëherë mohuan përmasat e incidentit dhe thanë se “ishte shmangur një dëm më i madh”.