Raphinha nuk është i kënaqur me ofertën fillestare të Barcelonës për rinovimin e kontratës, raporton gazeta katalunase Sport. Klubi katalanas kishte propozuar vetëm një zgjatje njëvjeçare të marrëveshjes aktuale.

Braziliani e konsideron këtë ofertë të pamjaftueshme, duke marrë parasysh paraqitjet e tij fantastike gjatë këtij sezoni. Ai beson se ka merituar më shumë, sidomos në raport me interesimin që ka marrë nga klubet në Arabinë Saudite.

Raphinha i ka kërkuar Barcelonës që ta zgjatë kontratën e tij për dy vite, jo vetëm për një, dhe këtë pa kushte shtesë.

Lexo po ashtuRaphinha për Hansi Flick: Ma ndryshoi karrierën, pa të nuk do të isha te Barcelona

Kontrata aktuale e tij përfundon në verën e vitit 2027. Me kërkesën e tij, ai do të qëndronte te Barcelona deri në verën e vitit 2029.

Fillimisht, Barça ofroi që marrëveshja të zgjatej vetëm deri në 2028, por kjo nuk u pranua nga lojtari.

Gjithnjë sipas gazetës katalunase Sport, duket se klubi ka ndryshuar qëndrim dhe është i gatshëm të plotësojë kërkesat e Raphinhas, me një kontratë dyvjeçare dhe një rritje të pagës.

Marrëveshja e re pritet të finalizohet së shpejti, duke i siguruar Barcelonës qëndrimin afatgjatë të njërit prej lojtarëve më të rëndësishëm në repartin ofensivë. /Telegrafi/