Kreu i PDK-së, Memli Krasniqi ka pritur në takim Ambasadorin e ri të Italisë në Kosovë, Maurizio Antonini.

Në një postim në Facebook, Krasniqi tha se me ambasadorin kanë biseduar situatën aktuale politike në vend, shkruan Arbresh.info.

Ai theksoi se Kosova ka nevojë urgjente të dalë nga bllokada.

“Italia ka qenë gjithmonë një mike e madhe e Kosovës – në çlirim, në shtetndërtim dhe në rrugën tonë drejt Bashkimit Evropian. Këtë miqësi e vlerësojmë thellësisht dhe duam ta forcojmë më tej. Me ambasadorin biseduam edhe për situatën aktuale politike në vend. Kosova ka nevojë urgjente të dalë nga bllokada, sepse qytetarët po përballen me sfida të mëdha dhe kanë nevojë për institucione funksionale dhe veprime konkrete – jo pritje të pafundme.”, ka shkruar ai.

“PDK ka dëshmuar se është gjithmonë e gatshme për komunikim – me të gjithë faktorët vendorë dhe me miqtë tanë ndërkombëtarë – për të mirën e vendit dhe qytetarëve tanë.”, tha mes të tjerash Krasniqi./Arbresh.info/