Rohde për dështimin e Albulena Haxhiut: Edhe në një lojë futbolli, nëse dështon, duhet të ndërrohet lojtari

15:19 | 16 Maj 2025
E.K

Ambasadori i Gjermanisë në Kosovë, Jorn Rohde, ka komentuar çështjen e dështimit të konstituimit të Kuvendit të Kosovës për të 16-tën herë me radhë.

Në një event për Ditën e Gjuhës Gjermane, për çka në Prishtinë të premten u mbajt një event në kick box, diplomati gjerman u pyet nga Klan Kosova se çfarë duhet të bëhet në situatën në të cilën gjendet vendi.

Ai mori një shembull interesant, duke e ndërlidhur situatën politike me një lojë futbolli.

“Edhe në një lojë futbolli, nëse dështon, duhet të ndërrohet lojtari”, u shpreh shkurt Rohde, duke iu referuar dështimit të Albulena Haxhiut për të marrë votat e nevojshme për t’u zgjedhur kryeparlamentare.

Në këtë event u organizua një ndeshje futbolli mes një ekipi të përzier nga ambasada e Gjermanisë, Zvicrës dhe e Austrisë dhe një ekipi të ri futbollistik kosovar nga FC Kick-In.