Komuna e Prishtinës ka njoftuar se për herë të parë në Kosovë ka filluar zbatimin e shenjëzimit rrugor të njohur si “Kutia e Verdhe” (Yellow Box Junction).

Përmes një postimi në Facebook, kryetari i Prishtinës, Përparim Rama, ka bërë të ditur se ky shenjëzim është vendosur në kryeqytet për të parandaluar bllokimin e trafikut në udhëkryqe.

Postimi i plotë:

Për herë të parë në Kosovë, Kryeqyteti ka filluar aplikimin e shenjëzimit të njohur si “Kutia e Verdhe” (Yellow Box Junction)

Të gjithë shoferët janë të obliguar që:

Të mos hyjnë në këtë zonë nëse nuk kanë hapësirë të mjaftueshme për të përfunduar kalimin e udhëkryqit!

Të shmangin çdo ndalim brenda kësaj zone, me qëllim të mos bllokohet trafiku!

Shkelësit e këtij rregulli do të ndëshkohen me gjoba deri në 80 euro.