Ka vdekur Agim Maka, kryetari i parë i Lidhjes Demokratike të Kosovës në Junik.

Lajmin për vdekjen e tij e ka bërë tëditur dega e LDK-së në Deçan, duke thënë se ai la prapa një trashëgimi unike si intelektual dhe se ishte një kontribues i madh në të gjitha etapat e veprimit të LDK-së, përcjell Klankosova.tv.

“Më pikëllim të thellë morëm lajmin për vdekjen e Agim Makaj, familjarit tuaj dhe veprimtarit të Lidhjes Demokratike të Kosovës. I ndjeri Agim Makaj la prapa një trashëgimi unike si intelektual dhe kontribues i madh në të gjitha etapat e veprimit të LDK-së, si bashkëpunëtor i Presidentit Historik Dr.Ibrahim Rugova, Kryeshef i Parë Ekzekutiv i Komunës së Deçanit, themelues i LDK-së në Junik”.

“Dega e LDK-së në Deçan shpreh ngushëllimet më të sinqerta për familjen Makaj, kryetarit Ruzhdi Shehu, qytetarëve të Junikut dhe gjithë bashkëpunëtorëve të Agim Makajt. Qoftë i përjetshëm kujtimi për veprimtarin e madh Agim Makaj”, thuhet në shkrimin e LDK-së, Deçan.