Google ADS

Real Madridi ka telefonuar dy herë Jurgen Kloppin për t’ia ofruar postin e trajnerit

23:40 | 27 Prill 2025
D.H
Real Madridi do të ndahet me Carlo Ancelottin në fund të sezonit, pasi trajneri italian ka dështuar të fitoj dy trofe ku ishte në garë.

Los Blancos pasi u eliminuan nga Liga e Kampionëve, u mposhtën edhe në finalen e Copa del Rey, derisa mund të mbesin edhe pa titullin në La Liga.

MARCA raporton se Real Madridi ka kontaktuar Jurgen Klopp, duke i bërë dy telefonata trajnerit gjerman në një përpjekje për të vlerësuar interesin e tij për t’u rikthyer në menaxhim.

Ndërsa asnjë vendim zyrtar nuk është marrë, thirrjet shihen si pjesë e përpjekjeve të klubit për të kuptuar qëndrimin e Klopp, nëse Carlo Ancelotti largohet.

Klopp, i cili aktualisht po shërben si drejtor sportiv për Red Bull, nuk ka treguar ndonjë dëshirë për t’u rikthyer në një rol menaxherial në këtë kohë.

Agjenti i tij ka konfirmuar se Klopp mbetet i përkushtuar në pozicionin e tij aktual.

Megjithatë, me pasigurinë që rrethon të ardhmen e Ancelottit, Real Madrid thuhet se po shqyrton të gjitha opsionet e mundshme për pozicionin menaxherial të klubit.

Shpërndaje në rrjete sociale

Lajmet më të lexuara

Të ngjashme

Foto lajm

sq sq