Ministri në detyrë i Mbrojtjes, Ejup Maqedonci ka kujtuar dëshmorin e kombit, Edmond Dabiqaj në 27-vjetorin e rënies së tij.

Me anë të një postimi në Facebook, Maqedonci shkroi se sakrificat e dëshmorëve dhe popullit tonë kanë bërë të mundur çlirimin e vendit, ndërtimin e shtetit dhe forcimin e ushtrisë, përcjell Arbresh.info.

“Në 27 vjetorin e rënies kujtojmë dëshmorin e kombit, Edmond Dabiqaj i cili jetën e tij ia kushtoi lirisë së atdheut. Në nderim të tij, në Kuvendin Komunal në Deçan sot u shfaq dokumentari “Dritë mbi Mal”, dokumentar ky që i kushtohet jetës dhe veprës së dëshmorit”, tha Maqedonci.

“Sakrificat e dëshmorëve dhe popullit tonë kanë bërë të mundur çlirimin e vendit, ndërtimin e shtetit dhe forcimin e ushtrisë. Lavdi dëshmorit Edmond Dabiqaj dhe gjithë dëshmorëve e martirëve të kombit”, shkroi Maqedonci./Arbresh.info