Kryetari i Partisë Demokratike të Kosovës, Memli Krasniqi, zhvilloi një takim me drejtuesit e Organizatës së Veteranëve të Luftës së Ushtrisë Çlirimtare të Kosovës, të prirë nga kryetari Hysni Gucati.

Në këtë takim, Krasniqi, së bashku me anëtarët e Kryesisë, Jakup Nura dhe Rrahman Rama, diskutuan për sfidat me të cilat përballen kategoritë e dala nga lufta.

Krasniqi theksoi rëndësinë e bashkëpunimit të ndërsjellë për mbrojtjen dhe forcimin e vlerave të luftës çlirimtare të Kosovës. Ai shtoi: “Ua shpreha mbështetjen e plotë të Partisë Demokratike të Kosovës për kërkesat e tyre, duke i vlerësuar ato si legjitime e të drejta, dhe rikonfirmova përkushtimin tonë për mbështetjen e vazhdueshme të kategorive të dala nga lufta.”

“PDK ka qenë dhe do të mbetet shtëpia politike e luftëtarëve të lirisë!” – përfundoi ai.