Kryetari i Nismës, Fatmir Limaj, është deklaruar pas shtyrjes së seancës së Kuvendit të Kosovës.

Limaj tha se nga sot duhet me dhënë shansin e krijimit të Institucioneve, shrkuan Arbresh.info.

“Besoj që ishte një qëndrim korrekt për të gjetur rrugë. Kjo është mënyra e bashkëpunimit. Besoj që nga sot do të bëhen përpjekje për të dhënë shanse me u afru”, tha Limaj shkurt.

Deputeti i LVV-së, Glauk Konjufca, tha se partia nuk e sheh të arsyeshme që në këtë seancë ta propozojë përsëri Albulena Haxhiun për kryetare të Kuvendit, pasi partitë e tjera parlamentare nuk pranojnë ta votojnë atë.

Për këtë, ai kërkoi marrëveshje me partitë e tjera politike për çështjen e kryetrarit të Kuvendit.

Pas kërkesës së Konjufcës, kryesuesi i Kuvendit, Avni Dehari, e ndërpreu seancën dhe tha se ajo do të vazhdojë pas 48 orëve.