Agjencia e Statistikave të Kosovës ka njoftuar se numri i udhëtarëve dhe fluturimeve në aeroportin “Adem Jashari” është rritur në muajin shkurt të këtij viti, krahasuar me periudhën e njëjtë të vitit paraprak.

Sipas statistikave të ASK-së, në muajin shkurt 2024 numri i fluturimeve ishte 796, kurse në muajin shkurt të vitit 2025 numri i fluturimeve të realizuara ishte 944, ose 18,6% më shumë sesa në periudhën e njëjtë të vitit paraprak.

Nderisa në shkurt të vitit 2024 numri i udhëtarëve ishte gjithsej 265 mijë e 421, ndërsa në shkurt 2025 numri i udhëtarëve në total ishte 307 mijë e 207, ose 15,7% më shumë sesa në periudhën e njëjtë të vitit 2024.

“Në muajin shkurt 2025, numri i fluturimeve të realizuara ishte 944, ose 18,6% më shumë sesa në periudhën e njëjtë të vitit të kaluar. Ndërsa numri i udhëtarëve në total ishte 307 207, ose 15,7% më shumë sesa në periudhën e njëjtë të vitit të kaluar (Shkurt 2024)”, thuhet në raportin e ASK-së./Arbresh.info