Një grua ka vdekur në Qendrën Klinike Universitare të Kosovës (QKUK), derisa ishte duke marrë trajtim mjekësor.

Në raportin e Policisë së Kosovës thuhet se rasti ka ndodhur të mërkurën, gruaja që ishte duke marrë trajtim sipas policisë kishte qenë në gjendje të rëndë shëndetësore.

Ndërsa, theksohet se trupi i pajetë me vendim të prokurorit është dërguar në Institutin e Mjekësisë Ligjore (IML) për obduksion.

“Prishtinë / 09.04.2025 – 17:00. Një femër kosovare është dërguar QKUK për trajtim mjekësor në gjendje të rëndë shëndetësore. Gjatë trajtimit mjekësor gjendja e viktimës është përkeqësuar dhe mjekët kanë konfirmuar vdekjen e saj. Me vendim të prokurorit trupi i pajetë është dërguar në IML për obduksion. Rasti në hetime”, thuhet në raport./Arbresh.info/