Ylli francez Kylian Mbappe në një intervistë për ‘La Sexta’ ka folur për marrëdhëniet me bashkëlojtarët e tij të Real Madridi dhe emocionet që ka përjetuar në ditët e para si lojtar i ‘Los Blancos’.

“Ditën e prezantimit, minutat që kalova në tunel ishin më të gjatat e jetës sime. Më prisnin 80 mijë tifozë dhe emocionet ishin të papërshkrueshme”, tha Mbappe.

Sulmuesi francez vlerësoi mirëpritjen nga skuadra dhe stafi i madrilenëve.

“Të gjithë lojtarët më mirëpritën dhe më dërguan mesazhe mbështetëse. Ndihesha si në shtëpi që në ditën e parë. Ancelotti është i jashtëzakonshëm, ai është gjithçka, trajner, mik, udhëheqës. Ai e di gjithmonë kur duhet të jetë pranë lojtarëve”, theksoi francezi.

Ish-ylli i PSG-së ka folur edhe për partnerin e tij në sulm, Vinicius Junior.

“Nuk mund ta imagjinoj Real Madridin pa Vinin. Luajmë shumë mirë bashkë dhe do të bëjmë gjithçka për të ndihmuar ekipin. Ai është një lojtar i madh dhe bashkë mund të arrijmë shumë gjera”, ka përfunduar Mbappe./rtk