Raphinha është mahnitur nga kërkesa e një tifozi në Metropolitano

14:57 | 3 Prill 2025
R J

Ylli i Barcelonës, Raphinha është përballur me një kerkese të çuditshme nga një tifoz i skuadrës së tij, i cili donte të kishte një kujtim nga braziliani.

Barcelona arriti ta eliminojë Atletico Madridin pas fitores 1-0 mbrëmë (e mërkurë) në udhëtim apo me rezultat të përgjithshëm 5-4 nga dy ndeshjet gjysmëfinale.

Ky triumf ia siguroi Blaugranëve kalimin në finalen e Copa del Rey, ku do të ndeshet me Real Madridin në El Clasico.

Pas ndeshjes, festa ishte e madhe tek kampi i Blaugranëve dhe këtë më së miri e tregon kërkesa e një tifozi ndaj Raphinhas.

Yllit brazilian iu kërkuan fashat që mbante në kyçin e dorës dhe përfundoi duke i dhënë ato, edhe pse nuk besonte në kërkesën e tyre.

Ky moment ka bërë bujë në rrjetet sociale dhe tashmë është kthyer në diçka virale. /Telegrafi/