Kryeministri në detyrë, Albin Kurti, po vazhdon takimet me përfaqësues të partive politike të pakicave për t’u konsultuar mbi formimin e qeverisë së re.

Ministri në detyrë i Zhvillimit Rural, Fikrim Damka nga Partia Demokratike Turke e Kosovës, ka përfunduar një takim me Kurtin në zyrën e tij të Qeverisë.

Pas tij, deputetja boshnjake dhe kryetarja e Partisë Unionit Social Demokrat, Duda Balje, vizitoi Kryeministrin për një takim.

Të mërkurën, Kurti nisi konsultimet me përfaqësues të pakicave për formimin e qeverisë së re. Ai u takua me zëvendëskryeministren në detyrë nga komuniteti boshnjak dhe kryetaren e Partisë së Re Demokratike (NDS), Emilija Rexhepi, ministrin në detyrë për Komunitete dhe Kthim, Nenad Rashiq, si dhe me ministrin e Administratës dhe Pushtetit Lokal, Elbert Krasniqi, kryetar i Partisë Egjiptiane Iniciativa e Re Demokratike e Kosovës (IRDK)./Arbresh.info