Ambasada e Republikës së Kosovës në Japoni ka shprehur ngushëllimet më të thella për Qeverinë dhe popullin e Republikës së Koresë së Jugut, pas zjarreve masive ku humbën jetën 24 persona.

Në telegramin e ngushëllimit, Ambasada e Kosovës ka përcjellë solidaritetin dhe mbështetjen e popullit të Kosovës për familjet e viktimave dhe të lënduarit.

“Në emër të Ambasadës së Republikës së Kosovës, dëshirojmë të shprehim ngushëllimet tona më të thella për Qeverinë dhe popullin e Republikës së Koresë dhe të shprehim ngushëllimet tona të sinqerta për familjet e pikëlluara dhe të lënduarit. Republika e Kosovës qëndron pranë Republikës së Koresë së jugut në këtë moment të dhimbshëm”, thuhet në deklaratë.

Sipas autoriteteve koreane shumica e viktimave janë persona të moshës 60-70 vjeçare, teksa 26 persona tjerë janë plagosur, prej të cilëve 12 janë në gjendje kritike. Ndërkohë, më shumë se 23,000 njerëz janë detyruar të largohen nga shtëpitë e tyre./Arbresh.info