Dinamo Kiev kishte shfaqur interesim për të blerë mesfushorin e Kombëtares së Kosovës, Muharrem Jashari, por ende nuk ka asnjë ofertë zyrtare që ka ardhur te LNZ Cherkasy.

Jashari, i cili po drejton LNZ-në me golat dhe asistimet e tij, ka tërhequr vëmendjen e shumë klubeve evropiane, pasi paraprakisht kishte interesim edhe nga LASK Linz i Austrisë.

LNZ është shprehur se ata janë të gatshëm të lënë yllin e tyre vetëm nëse bëhet një ofertë e rëndësishme nga një klub evropian.

Pra klubi ukrainas nuk janë të hapur që lojtarin ta shesin brenda kampionatit, te një rival si Dinamo Kiev edhe pse do të ishte hap i madh për Muharrem Jasharin. Pikërisht ndaj Dinamo Kiev kishte shënuar Jashari, i cili mungoi në dy ndeshjet e Kosovës ndaj Islandës për shkak të suspendimit.

Në këtë sezon, 27-vjeçari ka shënuar 5 gola dhe ka dhënë 7 asistime në 21 ndeshje në të gjitha garat.

Mesfushori i gjithanshëm nga Transfermarkt vlerësohet rreth 900 mijë euro.