Ambasadori i Kosovës në Poloni, Drilon Gashi, mori pjesë në Konferencën Ndërparlamentare Evropiane, e cila u mbajt në Kuvendin e Polonisë.

Gjatë këtij evenimenti, ai theksoi mbështetje të pakushtëzuar për Ukrainën dhe vuri në dukje rëndësinë e ndërhyrjes së NATO-s në vitin 1999 në Kosovë.

Gashi theksoi se “zëri ynë mund të jetë i vogël, por është një zë i pa kushte i mbështetjes për një Ukrainë që të jetë e lirë, e plotë dhe në paqe.”

“E kisha nderin e veçantë dhe gjithashtu përgjegjësinë që të marr fjalën dhe të përfaqësoj Kosovën në Konferencën Ndërparlamentare Europiane dhe në Kuvendin (Sejmin) e Polonisë. Polonia është një popull i madh europian, popull i guximshëm, i qëndrueshëm, solidar dhe liridashës. Me Poloninë na bashkon përpjekja shekullore për liri dhe pavarësi, andaj për mua kishte kuptim shumë të madh të flisja, si Ambasador i Kosovës, në shtëpinë e popullit polak”, tha ai./Arbresh.info