Qeveria miraton marrëveshjen mes Kosovës dhe Sllovenisë për shkëmbimin e informacionit të klasifikuar

11:00 | 12 Mars 2025
E.H

Qeveria e Kosovës ka miratuar marrëveshjen mes Republikës së Kosovës dhe Sllovenisë për shkëmbim dhe mbrojtje të ndërsjellë të informacionit të kërkuar.

“Në përputhje me prioritet strategjike të Kosovës për forcimin e bashkëpunimit ndërkombëtar dhe përmbushjen e standardeve evropiane, Agjencia e Informacionit të Klasifikuar (AMIK) ka vendosur marrëdhënie me autoritetet homologe, me theks të veçantë nga vendet anëtare të BE-së dhe NATO-s. AMIK ka ndërmarr veprimet e nevojshme për vendosjen në kontakt me NSA-në nga Sllovenia”, ka thënë kryeministri Albin Kurti në mbledhjen e Qeverisë.

Kurti theksoi se kjo marrëveshje është një hap i rëndësishëm me ndikim në disa aspekte, forcimi e bashkëpunimi dypalësh, sigurimi i informacioneve të klasifikuara, përmirësimi i kapaciteteve institucionale dhe mbështetja për integrim euroatlantik./Arbresh.info