Kryetari i Lidhjes Demokratike të Kosovës, Lumir Abdixhiku pas mbledhjes maratonike me kryesinë e partisë ka dal para mediave, duke mbajtur konferencë.

Abdixhiku ka thënë se nuk do të ketë bashkëpunim me Lëvizjen Vetëvendosje dhe se nuk hyjnë në asnjë koalicion pa postin e kryeministrit.

Ndër të tjera, Abdixhiku ka folur edhe për një qeveri të krijuar nga opozita, duke thënë se nuk janë në pozicion të japin asnjë ofertë, dhe se tashmë i takon vetëm të parit, në këtë rast VV-së, dhe se të njëjtit kanë thënë se janë në gjendja ta bëjnë një gjë të tillë.

“Ne nuk jemi në pozicion të i japim asnjë ofertë, sepse nuk dua të nisim çështje diskutimesh e pazaresh, sepse jemi të pozicionuar në opozitë sepse ky ka qenë verdikti i qytetarëve tonë, po e përsërisë edhe njëherë i takon të parit dhe vetëm të parit që të nis afatet kushtetuese dhe të formojë qeverisë”.

“Aq sa kam parë deri tash dhe aq sa kemi dëgjuar, i pari thotë që mund ta bëjë një gjë të tillë, i kërkojmë që t’i nis sa ma parë këto afate kushtetuese dhe brenda këtyre afateve të prezantojë një shumicë para Kuvendit të Kosovës. Ajo çfarë nuk duhet të ndodhë në Republikën e Kosovës është që të ketë prolongim të caktimit të kryetarit të Kuvendit dhe konstituimi të Kuvendit të Kosovës” – ka thënë Abdixhiku.