Real Sociedadi i ka vendosur sytë kah Arda Gulerin dhe tashmë e ka kontaktuar Real Madridin për mundësinë e huazimit të tij.

Talenti i ri turk nuk po ka minutazhën e duhur nën Carlo Ancelottin, dhe klubi mendon se atij i duhet të kalojë në një ekip tjetër për t’u zhvilluar më shumë.

Guler u transferua te “Los Blancos” në verën e vitit 2023, por konkurrenca e madhe dhe lëndimet kanë bërë që ai mos të shpërfaqë potencialin e tij.

Në moshën 20-vjeçare, lojtari dhe klubi mendojnë se një huazim do të jetë i duhuri për zhvillimin e tij.

Pos Sociedadit, edhe dy klubet gjermane, Eintracht Frankfurti dhe Leipzigu janë interesuar për shërbimet e tij në formë huazimi.

Bisedimet mes klubit spanjoll e Real Madridit tashmë kanë nisur, por nuk përjashtohet mundësia që ylli i Sociedadit, Martin Zubimendi mund të kalojë në “Santiago Bernabeu”.